OBSERVAR E DIALOGAR

Boas! 😄

 Ola a todos bloggers, por fin venres e hoxe traio unha curiosidade como tamén puidestes ler a semana pasada do ocurrido durante a semana con Eduardo. 

 Esta semana foi, en xeral moi parecida a anterior, o luns fixemos o mesmo na piscina, avanzando cada un ao seu ritmo e mellorando a súa técnica en natación de maneira adecuada. O martes, como xa vos comentei na anterior entrada, fixemos unha autoavaliación dos coñecementos dalgunhas das probas de atletismo, e por último, o mércores e venres baixamos ás pistas para traballar a técnica en relevos e vallas e tamén practicar e mellorar no Rugby Tag, respectivamente.

 De novo, pareceume moi interesante a calma e temperamento co que o noso mestre actuou ante xente con máis dificultades para mellorar algunhas técnicas. Pero hoxe, gustaríame destacar outro aspecto que me parece moi curioso das clases. 

 Eduardo mandounos aos alumnos organizarnos en grupos de 3 ou de 4 persoas e, posteriormente observar (dous compañeiros do grupo) ao restante do mesmo grupo para ver a maneira de realizar a técnica e comentar os posibles erros co outro compañeiro. Esto aplicouse o luns en natación a través da técnica do rolido, á entrada das mans na auga na técnica de espalda, e tamén o martes nas pistas, observando a técnica dos compañeiros no paso de valla e a maneira de pasar o testigo na proba de relevos.  

 Sen dúbida, esta é unha técnica que me parece moi efectiva, moi sinxela e moito máis divertida. Efectiva xa que todos os alumnos estamos traballando, sexamos os que están a realizar a proba ou non, posto que estamos a observar e iso tamén é participar. Ademais, é unha actividade que crea un ambiente dinámico na clase, no que os alumnos estamos máis participativos e, que a min persoalmente me divirte moito máis, aínda que creo que esta opinión persoal se podería aplicar a todo o alumnado.

 Moitas grazas por ler esta entrada, espero que teñades un moi bo fin de semana, ata a semana que ven amigos bloggers, saúdos!! 😊🎉