SEGUIMOS AVANZANDO...

Boas a todos!

 Outra semana máis que chega ao seu fin e na que seguimos avanzando respecto ás actividades realizadas na clase. Comezamos!! 👇

  A diferenza de outras semanas, este luns, fumos a piscina para seguir mellorando técnica de crol e braza, pero de maneira moito menos intensa xa que adicamos unha gran parte do comezo da clase a charlar sobre o tema da financiación para a viaxe á neve, que por certo xa ten destino, Candanchú. 

Como consecuencia desta charla na piscina antes de comezar a nadar, todos os alumnos nos puxemos de acordo para a organización e reparto dos beneficios correspondentes ás vendas das rifas. 

 O martes, estivemos traballando en artigos e tamén vendo vídeos e atendendo a unha clase teórica que Eduardo nos deu sobre o estilo braza (o cal veredes no meu apartado de artigos sobre introdución á natación esta mesma semana) e no que tamén rematamos o estilo crol xa comezado fai un par de semanas.

 O mércores, para min, foi o mellor día da semana debido a que baixamos ás pistas e fixemos un circuito no que traballamos drills de vallas, velocidade e tamén un pequeno traballo con bolas de pouco peso. Fixemos unha pequena competición e pareceume algo moi divertido e que todos disfrutamos competindo. 

 Por outro lado, seguimos avanzando na técnica e sobre todo, na táctica do Rugby Tag, posto que esta semana Eduardo nos axudou a buscar a maneira de realizar un bo ataque para conseguir o ensaio. 

 Finalmente, o venres, estivemos só unha hora na aula de informática, hora na que o profesor nos deixou decidir o que facer no noso blog.

 Persoalmente, para min foi unha semana moi completa, sobre todo debido aos conceptos obtidos o mércores sobre o Rugby Tag, pero o que me gustaría destacar desta semana é que non deixamos de aprender. A metodoloxía que utiliza Eduardo fai que todas as semanas sigamos avanzando en tódalas actividades realizadas nas súas horas de clase, e é algo que me fai disfrutar moito das clases.

 Grazas a todos por lerme un día máis, vémonos a semana que vén, saúdos bloggers!! 👀👋👌👍