PRESENTACIÓN

Boas amigos bloggers! 😋

 Ola a todos e benvidos ao meu blog!

 Chámome Hugo López Pillado e nacín en Lugo, cidade na cal levo vivindo dende o meu nacemento. Teño 17 anos e fun estudiante de Educación Infantil e Primaria no CEIP A Ponte, e posteriormente cursei a ESO e o Bacharelato no IES Lucus Augusti.

 Actualmente estudo o primeiro ano do ciclo de grado superior de Técnico Superior de Actividades Físicas e Deportivas (TSFAD) no IES Nosa Señora dos Ollos Grandes, co obxectivo de obter máis formación no ámbito ao que me quero adicar ao final do grado superior de TSAFD.                   
Dende moi pequeno teño claro que o meu futuro estaría ligado ao ámbito deportivo, enfocado tamén a ensinanza en institutos a rapaces, polo que ao remate do grado me gustaría formarme na Universidade e obter o título de Licenciado en Ciencias das Actividades Físicas e Deportivas.

 Teño a gran sorte de saber dende pequeno ao que me quería adicar no meu futuro, xa que o deporte leva formando parte da miña vida dende que era un cativo de 5 anos, cando comecei a xogar ao fútbol no equipo do meu colexio. A raíz de isto e do satisfeito que estaba co fútbol, comecei un período de probas con 7 anos nas categorías inferiores do Club Deportivo Lugo, no cal me admitiron e xoguei durante 8 anos, ata o primeiro ano xuvenil, cando deixei o clube e fichei polo EF Polvorín, gozando moito dos novos amigos que fixen no clube. 
 Despois de estes dous anos xogando no Polvorín, non tiña pensado seguir xogando ao fútbol, pero no vrao ofrecéronme unha gran oportunidade de xogar no Rácing Club Villalbés na categoría máis importante do fútbol base en España, a cal aceptei e estou disfrutando moito nestes momentos, tanto de compañeiros, entrenadores e por suposto, da categoría na que xogamos.

 Pero non son só un rapaz ao que lle gusta o fútbol, senón que me gustan todo tipo de deportes: tenis, baloncesto, atletismo, natación, rugby, patinaxe...
En resumo, son un rapaz que dende pequeno ten un obxectivo claro, con vocación polo deporte e que ten a sorte de poder gozar das oportunidades que lle ofrecen, sempre competindo contra todos, e sobre todo contra min mesmo, e o máis importante, disfrutandoó.

 Aquí remata a miña presentación, vémonos nas seguintes entradas que siga publicando, deica outra bloggers! 👍