A DISTRIBUCIÓN!

Boas a todos!

 Xa chegou o venres e outra semana máis completada de clases con Eduardo. Recordade que nesta semana subín outra entrada sobre a clase do mércores en especial e vos invito a ler encantado.

 Respecto as outras clases da semana das que non falei na entrada do mércores, comentarvos que o luns estivemos na piscina mellorando a técnica de braza e tamén a técnica de respiración no croll.

Hoxe, venres, non estivemos nin nas pistas do instituto, nin tampouco na aula de informática, senón que estivemos na nosa aula de 1º de TSFAD, dialogando e organizándonos en dous grupos para levar a cabo a planificación do viaxe á neve que faremos a finais de xaneiro se todo vai ben.

 O máis curioso da clase de hoxe, foi sen dúbida a distribución da clase que utilizou o profesor para levar a cabo a hora que nos pertencía e na que, como antes vos dixen, estivemos a planificar aspectos da viaxe que ogallá fagamos á neve. 

A maneira de organizar o espazo da clase foi a seguinte: dividiu a clase en dúas mesas abondo grandes formadas por varias mesas pequenas pegadas unhas a outras con sillas arredor, e asignándolle unha tarefa a cada unha das mesas. Unha sería a encargada de levar o tema económico (rifas para conseguir un presuposto máis barato) e outra mesa encargaríase de falar con axencias e elaborar circulares, entre outras funcións...

 O que me gustaría destacar foi que con esta maneira de distribuir a clase, Eduardo conseguiu que todos os alumnos estivésemos traballando continuamente e sen distraernos. 

Ademais, vexo ideal enlazar a distribución do espazo de hoxe co de outros días, como por exemplo fai un par de semanas pasou nas pistas xogando ao Rugby Tag, e cando Eduardo nos dixo que tiñamos que visualizar e distribuir o espazo de maneira correcta adaptándonos ás situacións (nº de xogadores..) 

 En conclusión, o espazo no que se traballa e organiza tanto as clases teóricas como as prácticas é un factor moi importante e que se debe ter en conta á hora de planificar calquer tipo de tarefa aos alumnos. E non só a distribución do espazo, senón a distribución dos alumnos tamén, para crear un ambiente máis cómodo e dinámico de clase.

 Saúdos a todos e bo fin de semana, amigos bloggers! 😋👍👌✌