A PRECIPITACIÓN É ABSURDA

Boa tarde bloggers! 😉

 Hola a todos amigos bloggers, hoxe nesta entrada tratarei un tema que, sen dúbida, me impresionou das clases que tivemos esta semana con Eduardo. Espero que vos guste.

 Para empezar a semana, tivemos o luns unha clase na que estivemos traballando a técnica na piscina de espalda, braza e croll. O martes, practicamos e tomamos un maior contacto coas regras do Rugby Tag, ademais de participar todos os alumnos como árbitros en diferentes partidos para saber o difícil que é o oficio de ser un bon árbitro. 

 Por último, o mércores fumos a traballar ás pistas do instituto a técnica en paso de vallas e practicando diversos exercicios ou drills para mellorar a coordinación á hora de realizar o paso de vallas nunha proba, e ademais tomando un primeiro contacto coas probas de relevos.

 Todos os días me impresionou sen dúbida, a tranquilidade e paciencia que Eduardo mostrou ante a situación dos alumnos, xa que en todo momento, dende o luns na piscina ata o mércores nas pistas practicando a técnica de vallas e relevos, recalcou que os alumnos debemos avanzar progresivamente e mellorar o noso rendemento en todo o que realicemos na clase pouco a pouco, sen presa, xa que se  se apura por rematar, realizaránse as cousas de maneira incorrecta e polo tanto non perfeccionaremos as técnicas que ensina o profesor.

 Ademais, a reacción que Eduardo tivo ante os imprevistos, posto que o martes, mentras practicábamos Rugby Tag, un furgón `invadiu´ a pista do instituto no que estábamos a xogar un partido. A reacción do profesor e o que nos dixo foi que en eses casos debíamos buscar opcións alternativas, e ensinounos cómo se realiza eso nunha situación similar. 

Neste caso, montou un campo adecuado no que se podía seguir xogando ao Rugby Tag e demostrou a tranquilidade e calma coa que se debe levar unha situación que non estaba planeada.

 Houbo outras curiosidades esta semana na clase de Actividades Físicas Individuais que Eduardo nos imparte... creo que por hoxe é suficiente, e sen dúbida, en próximas entradas volo expoñerei, pero o máis destacábel e interesante das clases de Eduardo (a día de hoxe) é que nos transmite que a precipitación é algo que non nós leva a nada.

 Un saúdo a todos e bo fin de semana!! 👍