COMO MANTER A MOTIVACIÓN E A CONCENTRACIÓN!

Ola a todos!

 Unha semana máis completada, aprendendo novos conceptos tanto teóricos coma prácticos de natación e tamén de carreiras de atletismo. 
Respecto a outras semanas, esta non tivemos a oportunidade de seguir avanzando co Rugby Tag, algo que persoalmente non me gustou, pero as condicións meteorolóxicas non estiveron do noso lado e tivemos que realizar unha variante traballando na aula de informática co blog nun novo artigo sobre as técnicas de carreira con un compañeiro da clase e que nos próximos días poderedes ver.

 Pois ben, desta semana gustaríame destacar un aspecto que sucedeu o martes nas pistas cando realizamos carreiras de relevos por equipos de 4 persoas. Cabe destacar que as carreiras non se fixeron de maneira correcta posto que non dispoñíamos de toda a pista de atletismo para levalas a cabo, pero o profesor adaptou a pista onde corrimos ás circunstancias que se deron e puidemos facelo sen problema ningún e mellorar os aspectos máis importantes da técnica, que é o que realmente nos interesa neste momento.

 Como vos dicía, Eduardo díxonos que nos organizásemos en grupos de 4 persoas para realizar as carreiras de relevos. Posteriormente, as carreiras comezarían, pero non sen antes facer unhas probas tanto do paso do testigo coma tamén da salida de tacos para ter un mellor conocemento sobre os nosos compañeiros de equipo e tamén sobre nós mesmos.

 O aspecto que me gustaría destacar foi a sutileza conque nos tratou o profesor, é dicir, a maneira de motivarnos aos alumnos para que fose cal fose a carreira, estivésemos concentrados e deramos o mellor de nós mesmos.
E...¿cómo conseguiu eso Eduardo? Pois de maneira moi sinxela; o que fixo foi facer que tódolos equipos corrésemos sempre, xa que se un equipo perdía no que equivale á 1ª fase dunha competición, non deixaba de correr e se iba á grada mirar cómo os demais corrían, senón que volverían a competir na seguinte ronda, e chegando a competir no que denominou final de bronce e final de prata, conceptos que me fixeron cavilar que desta maneira todos os equipos, aínda que fose polo bronce, darían o máximo, xa que é unha final.

 Ademais de isto, seguiu a dinámica da semana pasada de que os equipos que non estaban a realizar ás probas de carreiras, visualizaban e comentaban a proba dos demais para así ver erros e tamén variantes dos compañeiros á hora de competir. Tamén, realizamos este proceso de observación o luns na piscina coas zambullidas de cabeza e a saída do buceo despois desta a estilo crol, divididos en grupos de 3 ou 4 persoas.

 Fascíname esta maneira de traballar tan dinámica na clase, pero tamén a motivación que nos brinda o profesor día a día para mellorar o noso rendemento.

 Grazas, saúdos, e bo fin de semana! 👌👍☺😉