Boas bloggers!
Hoxe, mércores, gustaríame publicar unha entrada exclusiva para todo o realizado nas clases de hoxe con Eduardo, pero non dudedes que o venres vos traerei outra entrada máis coma todas as semanas. 😋
Pois ben, hoxe nas clases baixamos ás pistas, tomando un maior contacto coa salida de tacos e realizando unhas carreiras e piques entre compañeiros en cortas distancias.
Despois, realizamos varios partidos de Rugby Tag, por fin, e tamén finalmente falamos de varios temas de organización para actividades que se poidan realizar nun futuro como ir a esquiar ou ir a facer vela.
Como podedes ler, foi unha mañá na que sen dúbida non paramos, e isto encantoume, porque ademais foron unhas horas nas que disfrutei moitísimo cos meus compañeiros e nas que ademais aprendín de varios erros persoais, tanto na saída de tacos, como tamén no Rugby Tag.
Na parte máis pasiva da clase, referíndome a charla sobre a organización de actividades fóra do instituto, estivemos uns 20-25 minutos falando sobre varios puntos que debemos de ter claros e planeados e ademais estivemos falando tamén de problemas que puidésemos ter algún alumno para confirmar de maneira irrefutable que poderíamos ir á excursión.
Persoalmente, para min foi a mellor clase do que vai de curso, sen ningunha dúbida, posto que todo foi ideal: o clima, a diversidade de actividades practicadas, a maneira de levar e estructurar a clase por parte do profesor... E sen dúbida, o que máis me gustou foi a comunicación que tivemos ao finalizar a clase durante esos 20-25 minutos nos que Eduardo nos falou e nos mandou comunicarnos entre nós para chegar a un fin e organizar tamén entre todos un viaxe á neve ou a facer vela, participando os posibles asistentes dunha maneira ou outra na organización do mesmo.
Para min, foron unhas clases moi boas e que me apetecía compartir con vós para que vexades a gran diversidade de cousas que facemos con Eduardo. Estou casi seguro que no meu futuro traballo, utilizarei algúns rasgos moi parecidos aos que estou aprendendo nestes primeiros meses de curso.
Grazas a todos por lerme un día máis, saúdos e ata venres! 👌👍😃
Comentarios
Publicar un comentario