ANORMALIDADE! 😐

Boas!

 Outra semana máis rematada, unha semana que definiría como anormal respecto ás anteriores.

 Debido á celebración do Samaín, na que os alumnos do ciclo participamos decorando e ambientando o hall do instituto, e tamén ao día festivo seguinte, perdimos moitas horas de clase con Eduardo, polo que só fixemos natación o luns na piscina de Frigsa e no día de hoxe estivemos na aula de informática rematando os artigos cos nosos compañeiros, e no meu caso, dando comezo a esta mesma entrada.

 Non destacaría nada en especial desta semana tan curta e na que fixemos tan pouca cousa con Eduardo, pero sí que vos falarei do funcionamento da clase do luns na piscina.

 Simplemente destacarei a maneira que Eduardo ten de facernos mellorar e do dinámicas que converte as clases, é algo que non me deixara de motivar e divertir durante as clases dos luns. Toda a clase estamos facendo exercicios, de mellora da técnica de braza, de mellora de respiración no croll, ou mesmo do movemento de rolido e tracción na espalda. 
Parecera unha tontería, pero persoalmente sinto que estou a mellorar na técnica de todos estes estilos da natación de maneira notable, e tamén observo que os meus compañeiros o fan ben, e melloran día a día. 

 Debido a esto último que vos acabo de comentar, e como xa vos dixen en algunha entrada anterior, esta metodoloxía que utiliza o noso profesor, se algún día chego a traballar no que me apasiona, que é a ensinanza deportiva á rapaces, utilizareina sen ningunha dúbida e espero que os meus alumnos sintan o mesmo e avanzan da mesma maneira que o estou facendo eu e como o están, ou iso creo, os meus compañeiros.

 Grazas a todos por lerme un día máis, aínda que a entrada de hoxe sexa algo anormal con respecto ás anteriores.
 Saúdos, e que teñades un bo fin de semana bloggers! 👌👍👋😁