Ola bloggers!
Boas, hoxe vos traio unha entrada máis na que falaremos da metodoloxía que utiliza Eduardo para ensinarnos a como utilizar as capacidades que temos e ser uns moi bos Técnicos Superiores de Actividades Físicas e Deportivas.
Seguramente agora mesmo vos encontredes pensando en cómo o profesor consigue isto, non?
Pois ben, o que Eduardo nos ensina é a organizarnos por nós mesmos, explícome; dende que comezamos o ciclo, somos nós quen temos que: visualizar aos nosos compañeiros, realizar os quecementos previos a vallas, relevos ou Rugby Tag, e tamén temos que, aínda que con algunha axuda que outra do profesor, levar a cabo a organización da viaxe á neve.
Con isto refírome a que non hai dúbida que esta semana, coma as anteriores, estivemos sendo de algunha maneira, técnicos superiores, posto que todos os aspectos comentados nos fan selo. Ademais, tivemos clases teóricas sobre a natación e tamén estivemos estudando sobre o atletismo, polo que non só melloramos na práctica, senón que tamén incrementamos de gran maneira os nosos coñecementos sobre estas actividades que oxalá nun futuro nós teñamos que ensinar.
Persoalmente, estou encantado con esta metodoloxía que nos fai coller experiencia e nos prepara para novos retos, porque creo que organizar parte da clase, organizar parte dunha viaxe, ver e correxir aos nosos compañeiros... todos estes aspectos, fan que melloremos a nosa capacidade como técnicos superiores.
Graciñas a todos por lerme un día máis, saúdos, e boa semana! 👌👍😁
Comentarios
Publicar un comentario