O RESPETO

Boas bloggers!

 Outra semana máis rematada, xa volvendo á normalidade respecto a semana pasada e realizando tódalas clases de maneira completa.  

 O luns, estivemos na piscina mellorando a técnica da patada de braza e tamén a técnica do rolido de espalda axudados por táboas e aletas. O martes e venres, estivemos a traballar en novos artigos con compañeiros na aula de informática e o xoves, foi o día máis intenso, no que estivemos a traballar a salida de tacos e tamén o paso do testigo nos relevos nas pistas. Por último, na clase do xoves estivemos a practicar Rugby Tag, do que hoxe vos falarei nesta entrada.

 Eduardo utiliza o Rugby Tag para ensinar aos alumnos cómo debe de ser o trato no deporte. 
Nas clases xogamos entre nós, e o árbitro é un dos compañeiros, polo que a arbitraxe non é a máis correcta e en certos intres, hai xogadas dubidosas nas que é difícil sinalar unha cousa ou outra por parte do árbitro, e aquí é onde entra a ensinanza; decida o que decida o árbitro, debemos de aceptalo e ter unha autodisciplina que nos faga seguir xogando sen protestar a decisión do colexiado, ou en caso de querer comentarlle algo ao árbitro, facelo mediante o capitán e sempre dende o respeto e a cordura, é dicir, sen perder a calma.

 Persoalmente, penso que este tema é algo moi complicado no mundo do deporte, xa que o deporte, en xeral, é de competición, polo que todo o mundo quere ganar, e a ambición por ganar fai que ocorran situacións de protestas a árbitro. 
Tamén, por outro lado, hai veces que debido á impotencia que che ocasiona que todo o teu traballo se vexa esmagado por algún erro que teña o árbitro, explotes e lle botes toda a culpa a él...

 A metodoloxía que utiliza Eduardo con respecto a estas situacións, pareceme correcta, sen dúbida, pero creo que ao fin e ao cabo, dialogar co árbitro é algo necesario nun deporte no que se compite, e que ese diálogo se converta en protesta pola tensión do encontro que se está a disputar, non é o ideal, pero creo que é algo que ten que pasar nun deporte de competición, iso si, sen faltar ao respeto, porque creo que se pode protestar a un árbitro sendo respetuoso.

 Espero que teñades un moi bo fin de semana amigos bloggers, a próxima semana traereivos outra entrada, e quizais, un par de novos artigos, saúdos a todos!! 👌👍😊