VOLTA AO TRABALLO

Boas bloggers!

 Benvidos a todos a primeira entrada do ano no meu blog Constancia! 😊

 O primeiro tema do que me gustaría falar respecto as sesións destes 15 días é que as entradas non serán semanais, senón quincenais. Polo que a partires de agora as entradas publicareinas cada 15 días dende hoxe, co obxectivo de observar máis aspectos destacables durante sesións da asignatura e a súa vez, desenrolar de mellor maneira os temas que escolla comentar.
Pois ben, dito esto, gustaríame destacar destas dúas primeiras semanas a adaptación do noso profesor ao espazo, como xa noutras entradas vos comentei, pero hoxe comentado de maneira máis extensa. 

 O espazo é un medio moi importante que un técnico de actividades físicas e deportivas debe manexar en calquera situación para levar a cabo a actividade física. Simplemente nunha metade da cancha do polideportivo, o noso profesor foi capaz de que todo o grupo estivese a traballar nos diferentes tipos de salto dentro do atletismo (salto de lonxitude, triple salto, salto con pértiga e salto de altura). Esta situación que se deu, como outras moitas, me fai pensar que o espazo é un aspecto importantísimo e que debemos de exprimir ao máximo, xa que así conseguiremos uns resultados moi bos para os nosos alumnos e tamén imprimiremos dinamismo e diversión ao grupo en xeral. 

Pero como todo o mundo, tamén se poden cometer erros. Este mesmo día, houbo unha compañeira que levou un golpe na cabeza mentras realizaba salto de lonxitude. Este desafortunado golpe foi debido a proximidade dun quitamedos respecto á parede do polideportivo. Afortunadamente non foi máis que un susto, pero encantoume que despois de este acontecemento, Eduardo nos explicase que foi un erro del, que non controlou ben o espazo, e recalcounos aínda máis a importancia de este aspecto. Tamén, aproveitou para comentarnos que nos, cando sexamos técnicos deportivos, sufriremos casos similares de golpes, lesións... e que ante estes imprevistos, debemos reaccionar con tranquilidade e calma e non alterarnos xa que eso non é a mellor maneira de tratar situacións deste tipo.

 O segundo aspecto que me gustaría destacar nesta entrada, é a capacidade do noso profesor para motivar ao grupo, e ademais deso, facer que o grupo mellore.
Eduardo organizou unha pequena competición de iniciación ao salto de altura. Esta competición consistía en realizar un salto de tixeira sobre unha altura, aumentando esta cada vez máis ata rematar cun gañador. 
A competición foi un éxito, na miña opinión, unha das mellores sesións de todo o curso, xa que todo o grupo estaba centrado nos seus saltos, e unha vez quedaban eliminados, seguían vivindo a competición intensamente animando aos compañeiros. Esta motivación e diversión á hora de realizar o exercicio, creo que fixo que todos mellorasemos a nosa técnica de salto de altura, de maneira divertida e moi dinámica. 
Sen dúbida algunha, cando traballe como técnico deportivo en algún ámbito do deporte e teña que entrenar a rapaces nunha escola deportiva de atletismo que estén iniciándose, sería unha técnica que utilizaría, ou adaptaría se fose unha escola deportiva de outro deporte, e que creo de maneira moi firme que funcionaría de maneira perfecta. Ademais, motivaría aos meus alumnos co obxectivo de que melloren todos os aspectos técnicos do deporte que esté a traballar neses intres.

 E ata aquí, a primeira entrada do ano, e recordade: en 15 días publicarei unha nova entrada tratando novos temas. Seguimos aprendendo a ensinar, seguimos mellorando! Grazas a todos e un saúdo 👌😊