Ola bloggers!
Boas a todos bloggers, na entrada de hoxe, imos a falar dun tema que me parece moi interesante e que me está a sorprender nas últimas semanas.Desde principio de curso, Eduardo comentounos que ibamos a facer ao longo do curso distintas actividades no medio natural que servirían para ampliar os nosos coñecementos e ademais desfrutar e aprender novos deportes.
As actividades propostas polo profesor foron as seguintes: esquí ou snowboard en Candanchú, escalada, rafting, surf, senderismo e vela. Todas estas actividades conlevan un gran coste, polo que desde o primeiro momento empezamos a funcionar e a traballar en distintos aspectos para poder levar a cabo as actividades e tamén conseguir que o prezo destas fose menos elevado.
Por exemplo, para ir á neve, a axencia de viaxes coa que fomos, deunos unhas rifas de 2€ para poder vender e así gañar algo de diñeiro para poder financiar as actividades que quixeramos realizar.
Ao que quero chegar é ao inmenso esforzo que fixemos todos los alumnos, uns máis ca outros, pero en xeral todos, para que estas actividades se poidan levar a cabo. Grazas soamente á venda de rifas puidemos recaudar moitísimo diñeiro, algo que posibilita e da moita máis oportunidade aos alumnos de ir a cada unha das actividades que están plantexadas desde o comezo do curso.
Por outro lado, nesta avaliación dividímonos por grupos, cada grupo tratando unha actividade.
É dicir, a escalada, ou o rafting, que vamos a realizar no mes de abril se todo sae ben, son actividades que organizamos nós, na que os integrantes dos grupos destas actividades estiveron a falar cas empresas organizadoras para poñer data ás actividades.
Esto tamén nos fai desenvolvernos por nós mesmos, tomar contacto co que é a organización de actividades no medio natural e nos fai gañar algo de experiencia se queremos volver a organizar algunha actividade do mesmo tipo.
Ah, e por certo, ademais da gran cantidade de diñeiro que xa conseguimos soamente coa venda de rifas, estivemos a debatir en clase sobre cómo conseguir aínda máis diñeiro e que as actividades no medio natural fosen máis asequibles e así máis xente acudise a elas. Acordamos todos a compra dunhas camisetas que posteriormente vamos a vender cun logo personalizado para a ocasión, pero houbo máis ideas como realizar unha especie de mercadillo de cousas que non utilizabamos ou tamén a venda de pegatinas cun logo personalizado.
En resumo, como podedes ver somos un grupo que sen dúbida está a traballar de cheo para poder realizar actividades no medio natural, as cales estamos administrando e organizando nós mesmos por grupos.
Persoalmente pareceme que a xenerosidade en xeral de todos nós está sendo increíble, e que se todo sigue así todos poderemos realizar as actividades no medio natural, que como xa dixen antes son oportunidades para coñecer novos deportes e desfrutar novas experiencias.
E ata aquí a entrada de hoxe, grazas pola vosa atención bloggers!! 👌👋👍
Comentarios
Publicar un comentario